يا جماعة يا ريت تقولو ريكو هنا عاوزين الاجتماع بتاعنا يبقي في الكلية ولا في مقر الحزب نرجو المشاركة

يا جماعه يؤسفنى ان ابلغكم ان احنا مضطرين نناقش فى اقرب اجتماع مشكلة الاخ الاكبر للاسره محمود شعبان لان موقفه مش واضح
1- عايزين نوفر بديل
2_نحدد موقفه
3- نناقشه ونمسمع رايه ومبرراته
4- اخيرا ان لم نقتنع نحدد عقوبه شامله (اسره _ حزب _عفاريت)

موقفه مش واضح ازاي يعني لازم تشرح برده هو عمل ايه علانش تقول كده ؟؟؟؟؟

هى الاسره شغاله واحنا بنمتحن ولاايه؟؟
انا مع البنهاوى ..مش فاهمه ايه اللى حصل؟
وشوفوا تأجلوا الاجتماع ده يا جماعه..حتى لو طلعنا بنتايج صعب ننفذها

انا مع العنصر الخامس احنا لازم ناجل الاجتماع ده لان انا مش فاضى ورايا شغل وغير الامتحانات والاجتماع لو اتعمل يتعمل فى مقر الحزب افضل علشان مدخلش حوارات من دى فى الكليه وممكن
يكون فى ناس مش من الكليه وكده يعنى
وبعدين شعبان باشا احنا هنوفر بديل وبعدين نعاقبه عقوبه شامله لان حتى لو اهتدى وربنا هداه ورجع لعقله مين عارف مهو ممكن يرجع تانى لنفس الحركات دى ووقتها نبقى معملناش حاجه
فانا باناشد بتوقيع اقصى العقوبه على المتهم وتغريمه 3000 الف ونص ليا والف ونص ليك يا سياده القاضى والسلام عليكم ورحمه الله وبركاته

مبهزرش يا خالد يا خفيف غير انى اسف انى مشرحتش هو ايه اللى حصل بالظبط لان الموضوع طويل ومكنش ينفع اقوله فى المدونه انا بس كنت بقول ان الموضوع ده عايزين ندرجه على قايمة مناقشتنا فى اقرب اجتماع لينا ومتخافوشمش هيبقى فى اجتماع اثناء الامتحانات وباختصار شديد محمود استقال تالت يوم العيد واخده بالك يا سمر ياللى بتقولى هى الاسره شغاله فى الاجازه مهو هوده العك بقى بدون اسباب او غيره ورجع قالى لامستقلتش فهو شكله كده بيلعب او بيهرج وده مش وقته اساسا فكل اللى عاوزه نحدد ايه اللى هيحصل بعد كده

كالعاده ماليش راى فى الموضوع غير لما اسمع من الطرفين ..غير انك برده مفهمتنيش ياعلى الاسره ليها شغل فى الاجازه ولا لا..وبراحه عليا وانت بتكلمنى عشان انا بمتحن واعصابى بعافيه شويه

طاب يا ستى هو انا قولتلك حاجه انا بقول على العك بتاع محمود انه بيستقيل فى وقت مفيهوش شغل اصلا غير انه بعد شويه رجع فى كلامه ثانيا الاسره ليها شغل فى اى وقت تقدر تشتغل فيه فى الاجازه فى الدراسه انما فى الامتحانات لا خالص ...

لا الف سلامة علي اعصابك يا سمر والف سلامة علي اعصاب كل اللي بيمتحنو ومنهم انا يااااااااااا رب خلصنا علي خير يا رب من الامتحانات ديه وبعديها نشوف حكاية محمود شعبان واللي عمله يا علي ماشيولا انت ايه رايك ؟؟؟؟

انا مع سمر برضو نسمع الطرفيييييييين
وناعى بعض يا جماعه كلنا مشدودين جامد من الامتحانات

انا شايفه برضو ناجل الاجتماع لببعد للمتحانات

يا اخوانا اقرواكلامى كويسماانا قولت بعد الامتحانات بس المشكله انه جه شدلى اعصابى ونرفزنى اكتر فى الوقت الزباله اللى احنا بنمر بيه ده فده اللى غايظنى الصراحه يعنى

لازم تستحمله يا علي لاني هو كمان اعصابه مشدودة زينا بالظبط ممكن يكون كان مخنوق شوةي ولا حاجة بس يلا عادي
انتو صحاب برده